«Լեռնային Ղարաբաղի հայերը՝ կտրված արտաքին աշխարհից». «Le Monde»-ի հոդվածը Արցախում ստեղծված իրավիճակի մասին
Ֆրանսիական «Le Monde»-ը «Լեռնային Ղարաբաղի հայերը՝ կտրված արտաքին աշխարհից» վերնագրով հոդված է հրապարակել, որտեղ անդրադառնում է Արցախում ստեղծված իրավիճակում:
Հոդվածում, մասնավորապես, նշվում է.
«Շրջակա միջավայրի պաշտպանները, գաղտնի կերպով ղեկավարվելով Բաքվի կողմից, շրջափակում են միակ ճանապարհը, որը թույլ է տալիս լքել կովկասյան անկլավը
Ադրբեջանցի պրոիշխանական ցուցարարները և ռուսական «խաղաղապահ ուժերի» զինվորականները Լաչինի լեռնային ճանապարհի ճիշտ մեջտեղում միասին դիտեցին Ֆրանսիա-Մարոկկո հանդիպումը, մինչդեռ ներքևում Լեռնային Ղարաբաղի 120.000 հայեր շրջափակման երրորդ օրն էին անցկացնում: Լաչինի միջանցքը՝ 2020 թվականին Բաքվի ռազմական հաղթանակից ի վեր Հայաստանի և Ղարաբաղի միջև միակ հասանելի ճանապարհը, դեկտեմբերի 12-ի առավոտվանից շրջափակվել է Շուշայի (հայերեն՝ Շուշի) մերձակայքում՝ մի քանի տասնյակ ադրբեջանցիների կողմից, որոնք բողոքում են Ղարաբաղի հայերի կողմից «օգտակար հանածոների ապօրինի շահագործման» դեմ։
Թեև առաջին հայացքից այս բնապահպանական նախատրամադրությունները կարող են լեգիտիմ թվալ, սակայն իրականում դրանց տակ թաքնված է նախագահ Իլհամ Ալիևի ծրագիրը՝ շրջափակման միջոցով առավելագույն ճնշում գործադրելու Երևանի վրա։ Արդեն երկու տարի է, ինչ Ադրբեջանը պահանջում է, որ Հայաստանը համաձայնի տրամադրել այսպես կոչված «Մեղրիի միջանցքը», որը Բաքուն կկապի Հայաստանի տարածքի և Իրանի միջև ընկած Նախիջևանի ադրբեջանական էքսկլավի հետ, որն իր հյուսիսային սահմանում ճանապարհով միացված է թուրքական տարածքին։ Բաքուն հիանալի հարաբերություններ է պահպանում Անկարայի հետ, որը նրա հիմնական ռազմական և դիվանագիտական աջակիցն է։
2010 թվականին ստորագրված ռազմական համագործակցության համաձայնագրով Թուրքիան զինում և պատրաստում է ադրբեջանական բանակը: Սեպտեմբերին այդ համագործակցությունն ամրապնդվեց թուրք գեներալ Բախտիար Էրսայի նշանակմամբ Ադրբեջանի պաշտպանության նախարար Զաքիր Հասանովի խորհրդականի պաշտոնում։ Բաքուն և Անկարան ցանկանում են ամրապնդել իրենց տնտեսական հարաբերությունները ցամաքային ճանապարհի շնորհիվ։ Երկու երկրները լարված հարաբերություններ ունեն Թեհրանի հետ և սարսափելի հարաբերությունների մեջ են Երևանի հետ, մինչդեռ վերջին երկուսը դեմ են հանդես գալիս թուրք-ադրբեջանական միջանցքի ստեղծմանը, հատկապես, եթե դա ուղեկցվի Իրանի հետ սահմանին Հայաստանի ինքնիշխանության կորստով։
Հայաստանն ունի ընդամենը երկու բաց սահման՝ հյուսիսում՝ Վրաստանի հետ, իսկ հարավում՝ Իրանի, մի երկիր, որի հետ վերջին տարիներին մեծապես զարգացել են առևտրային հարաբերությունները։ Երևանը ձեռք է բերում իրանական գազ՝ վճարելով դրա դիմաց Իրանի Իսլամական Հանրապետությանը էլեկտրաէներգիա մատակարարելով։
Թիրախում ռուս օլիգարխն է
Հավասարության նժարի վրա դնելով Լաչինի և Մեղրիի միջանցքները՝ Բաքուն բազմիցս սպառնացել է փակել առաջինը, եթե երկրորդը չբացվի։ Ինչպես հայտնում է հայկական 24news.am լրատվական կայքը, Ադրբեջանը, խոսքից գործին անցնելով, անողոքաբար կտրել է ղարաբաղցիների մատակարարման միակ ճանապարհը՝ թույլ չտալով տուն վերադառնալ 1100 բնակչի, այդ թվում՝ 270 երեխայի։ Դեկտեմբերի 13-ի երեկոյան Ղարաբաղի դե ֆակտո իշխանության ղեկավարները հայտնել են, որ Ադրբեջանը դադարեցրել է գազի մատակարարումը տարածաշրջանում։
Սակայն Ադրբեջանի արտաքին գործերի նախարարությունը հերքել է, որ Արդբեջանը որևէ կերպ պատասխանատվություն է կրում ճանապարհը փակելու հարցում՝ ակնարկելով, որ դրա համար պատասխանատվություն են կրում Ռուսական խաղաղապահ ուժերը, որոնք գործնականում պետք է ապահովեն Լաչինի միջանցքի անվտանգությունը։
Բացի դրանից, նախարարությունը պնդում է, որ «բնապահպան ակտիվիստների ցույցի նպատակը (…) ճանապարհները փակելը չէ, և որ քաղաքացիական փոխադրամիջոցները կարող են ազատորեն երթևեկել երկու ուղղություններով»։ Ցուցարարները նշում են, որ շտապ օգնության մեքենաների համար նախատեսված է «մարդասիրական միջանցք», մինչդեռ հայկական կողմը պնդում է, որ դեկտեմբերի 12-ից ի վեր ոչ մի մեքենա չի կարողացել անցնել Լաչինի միջանցքով։ Ի դեպ, Ադրբեջանի արտաքին գործերի նախարարությունը ընդգծում է, որ «ղարաբաղյան տարածաշրջանում ապրող հայ բնակիչների իրավունքների և անվտանգության հարցը ներքին խնդիր է», քանի որ Լեռնային Ղարաբաղը դե յուրե գտնվում է Ադրբեջանի տարածքում՝ 1991 թվականին Ադրբեջանի անկախացումից ի վեր։
Որպես «բնապահպան» ցուցարարների և Բաքվի ռեժիմի հետապնդած ընդհանուր նպատակների ևս մեկ նշան՝ կարելի է հիշատակել այն հանգամանքը, որ Ադրբեջանի նախագահի աշխատակազմի արտաքին կապերի վարչության ղեկավար Հիքմեթ Հաջիևը դեկտեմբերի 14-ին թիրախավորել է ռուս միլիարդատեր, Հայաստանի Հանրապետության քաղաքացիություն ստացած Ռուբեն Վարդանյանին՝ նշելով, որ վերջինիս «թույլ չեն տա թալանել Ադրբեջանի բնական պաշարները և լուրջ վնաս հասցնել շրջակա միջավայրին»։ Ռուբեն Վարդանյանը նոյեմբերի 4-ին նշանակվել է Լեռնային Ղարաբաղի ինքնահռչակված Հանրապետության պետական նախարար։
Անզոր լինելով վերացնել մի քանի տասնյակ ադրբեջանցի ցուցարարների կողմից պարտադրված շրջափակումը՝ ռուսական խաղաղապահ զորախմբի զինվորականները գտնվում են անբարենպաստ դրության մեջ: 2020 թվականին ռուսական զորախմբի՝ զինված համակարտության ավարտն ազդարարող արագ տեղակայման ժամանակ նրանք խորհրդանշում էին Ռուսաստանի հզոր վերադարձը Կովկասի հարավային լանջին: Ռուսները, այսօր հայտնվելով իրենց հսկողությունից դուրս մնացող հակամարտության հանդիսատեսի կարգավիճակում, կորցրել են հայերի վստահությունն ու ադրբեջանցիների հարգանքը»:
Պուտինն ԱԽ անդամների հետ օպերատիվ խորհրդակցության ժամանակ կքննարկի հարեւան երկրների հետ փոխգործակցությունը
Ռուսաստանի նախագահ Վլադիմիր Պուտինն Անվտանգության խորհրդի անդամների հետ օպերատիվ խորհրդակցության ժամանակ առաջարկել է քննարկել ՌԴ անվտանգության ապահովման ընթացիկ հարցերը եւ հարեւան երկրների հետ փոխգործակցությունը, հաղորդում է «ՌԻԱ Նովոստին»։
«Այսօր կքննարկենք երկրի համար տարբեր ուղղություններով անվտանգության ապահովման ընթացիկ հարցերը, ինչպես նաեւ կխոսենք մեր հարեւանների հետ փոխգործակցության մասին՝ մեզ համար շատ կարեւոր առանձին ուղղություններով»,-ասել է նա։
Նիստին զեկույցով հանդես է եկել ՌԴ ԱԳ նախարար Սերգեյ Լավրովը ։
Կդադարեցվի Մասիս քաղաքի ջրամատակարարումը
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված դեկտեմբերի 16-ին ժամը 12:00-15:00-ն կդադարեցվի Մասիս քաղաքի ջրամատակարարումը:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Ռոբերտ Քոչարյանին զրպարտելու գործով քննությունն ավարտվեց, վճիռը կհրապարակվի հունվարի 10-ին
Երեւան քաղաքի ընդհանուր իրավասության դատարանի Քանաքեռի նստավայրում՝ նախագահությամբ դատավոր Սերգեյ Սահակյանի, այսօր՝ դեկտեմբերի 16-ին, շարունակվել է ՀՀ երկրորդ նախագահ Ռոբերտ Քոչարյանի հայցն ընդդեմ վարչապետ Նիկոլ Փաշինյանի։
Դատարանն ավարտել է Ռոբերտ Քոչարյանի ներկայացուցիչ Հայկ Ալումյանի ներկայացրած ապացույցների հետազոտումը։
Հիշեցնենք, որ նախորդ նիստին Ալումյանը, որպես եւս մեկ ապացույց, դատարանին է ներկայացրել 2021 թվականի մարտի 1-ին Երեւանի Հանրապետության հրապարակում ՀՀ վարչապետ Նիկոլ Փաշինյանի ելույթը։ Այդ ժամանակ Ռ․ Քոչարյանը դեռեւս մեղադրվում էր ՀՀ ՔՕ 300․1 հոդվածով, եւ Ալումյանը գտնում է, որ Փաշինյանն այդ ելույթով խախտել է նախագահի անմեղության կանխավարկածը։
Դատաքննությունն ավարտվել է, վճիռը կրապարակվի 2023 թվականի հունվարի 10-ին։
Ռոբերտ Քոչարյանին զրպարտելու գործով քննությունն ավարտվեց, վճիռը կհրապարակվի հունվարի 10-ին
Երեւան քաղաքի ընդհանուր իրավասության դատարանի Քանաքեռի նստավայրում՝ նախագահությամբ դատավոր Սերգեյ Սահակյանի, այսօր՝ դեկտեմբերի 16-ին, շարունակվել է ՀՀ երկրորդ նախագահ Ռոբերտ Քոչարյանի հայցն ընդդեմ վարչապետ Նիկոլ Փաշինյանի։
Դատարանն ավարտել է Ռոբերտ Քոչարյանի ներկայացուցիչ Հայկ Ալումյանի ներկայացրած ապացույցների հետազոտումը։
Հիշեցնենք, որ նախորդ նիստին Ալումյանը, որպես եւս մեկ ապացույց, դատարանին է ներկայացրել 2021 թվականի մարտի 1-ին Երեւանի Հանրապետության հրապարակում ՀՀ վարչապետ Նիկոլ Փաշինյանի ելույթը։ Այդ ժամանակ Ռ․ Քոչարյանը դեռեւս մեղադրվում էր ՀՀ ՔՕ 300․1 հոդվածով, եւ Ալումյանը գտնում է, որ Փաշինյանն այդ ելույթով խախտել է նախագահի անմեղության կանխավարկածը։
Դատաքննությունն ավարտվել է, վճիռը կրապարակվի 2023 թվականի հունվարի 10-ին։
Պայքարը շարունակվում է, միացեք. Արտակ Բեգլարյան
Արցախի Հանրապետության նախկին պետնախարար, Արցախի նախկին ՄԻՊ, Արցախի պետնախարարի խորհրդական Արտակ Բեգլարյանը, ով դեկտեմբերի 14-ից նստացույց է կսել Երեւանում ՄԱԿ-ի գրասենյակի դիմաց, գրառում է արել ֆեյսբուքի իր էջում՝ նշելով, որ պայքարը շարունակվում է:
Նա գրել է. «Թեև Ադրբեջանը քիչ առաջ վերականգնել է Արցախի գազամատակարարումը, սակայն կյանքի ճանապարհը դեռևս մնում է փակ, իսկ Արցախի ժողովուրդը՝ լրիվ շրջափակման մեջ: Մենք էլ շարունակում ենք նստացույցը ՄԱԿ-ի հայաստանյան գրասենյակի առջև:
Իսկ նախօրոք հայտարարված հավաքը ուժի մեջ է՝ այսօր, ժամը 15:00-ին, ՄԱԿ-ի գրասենյակի մոտ, միացե՛ք
Պայքարը շարունակվում է, միացե՛ք …»։
Հիշեցնենք, որ դեկտեմբերի 12-ին ժամը 10։30-ի սահմաններում, ադրբեջանական կողմը բնապահպանական պատճառաբանություններով փակել է Արցախն աշխարհին կապող կյանքի միակ ճանապարհը։ Այսօր ավելի վաղ Արցախի պետական նախարար Ռուբեն Վարդանյանը հայտնեց, որ հնարավոր է այսօր բացվի Լաչինի միջանցքը։
Արտակ Բեգլարյանը և մի խումբ քաղաքացիներ դեկտեմբերի 14-ից նստացույց են իրականացնում Երևանում՝ ՄԱԿ-ի երևանյան գրասենյակի դիմաց։
Ձյուն, մերկասառույց, մառախուղ. Հայաստանում փակ ճանապարհներ կան
Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։
ԱԻՆ-ից NEWS.am-ին հայտնում են, որ Շիրակի մարզի Աշոցքի տարածաշրջանում տեղ-տեղ առկա է մերկասառույց։
Տավուշի մարզի Նոյեմբերյան-Իջևան ավտոճանապարհին և Ամասիայի տարածաշրջաններում մառախուղ է:
Շիրակի մարզի Աշոցքի տարածաշրջաններում տեղում է ձյուն։
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
Ժամը 11.00-ի դրությամբ Արցախը Հայաստանին կապող միակ ճանապարհը Ադրբեջանը շարունակում է փակ պահել
Ժամը 11.00-ի դրությամբ Արցախը Հայաստանին կապող միակ ճանապարհը Ադրբեջանը շարունակում է փակ պահել:
Հաշվի առնելով Ադրբեջանի կողմից Արցախի Հանրապետության շրջափակման հետևանքով ստեղծված իրավիճակը՝ Ներքին գործերի նախարարությունը, հասարակական կարգի և ներքին անվտանգության պատշաճ ապահովման նպատակով, մայրաքաղաքում և շրջաններում ծառայություն է իրականացնում ուժեղացված ռեժիմով։
Հետադարձ կապ` 102, 911։
Նշենք, որ այսօր առավոտյան Արցախի պետնախարար Ռուբեն Վարդանյանը հայտարարել է, որ Արցախի գազամատակարարումը վերականգնվել է, իսկ օրվա ընթացքում հնարավոր է բացվի Արցախը Հայաստանին կապող ճանապարհը:
Ժամը 11.00-ի դրությամբ Արցախը Հայաստանին կապող միակ ճանապարհը Ադրբեջանը շարունակում է փակ պահել
Ժամը 11.00-ի դրությամբ Արցախը Հայաստանին կապող միակ ճանապարհը Ադրբեջանը շարունակում է փակ պահել: Այս մասին IMEDIA.am-ը տեղեկանում է Արցախի տեղեկատվական շտաբից:
Հաշվի առնելով Ադրբեջանի կողմից Արցախի Հանրապետության շրջափակման հետևանքով ստեղծված իրավիճակը՝ Ներքին գործերի նախարարությունը, հասարակական կարգի և ներքին անվտանգության պատշաճ ապահովման նպատակով, մայրաքաղաքում և շրջաններում ծառայություն է իրականացնում ուժեղացված ռեժիմով։
Հետադարձ կապ` 102, 911։
Նշենք, որ այսօր առավոտյան Արցախի պետնախարար Ռուբեն Վարդանյանը հայտարարել է, որ Արցախի գազամատակարարումը վերականգնվել է, իսկ օրվա ընթացքում հնարավոր է բացվի Արցախը Հայաստանին կապող ճանապարհը:
«Ժողովուրդ». Նորանշանակ նախարարի առաջին հրահանգը. դպրոցներում կարգելվեն բոլոր տեսակի ռազմահայրենասիրական պարապմունքները
«Ժողովուրդ» օրաթերթը գրում է. «Ժողովուրդ» օրաթերթի տեղեկությունների համաձայն, ՀՀ կրթության, գիտության, մշակույթի ու սպորտի նորանշանակ նախարարը հրահանգել է դպրոցներում արգելել բոլոր տեսակի ռազմահայրենասիրական պարապմունքներն ու կրթադաստիարակչական միջոցառումները: «Ժողովուրդ» օրաթերթի ձեռքի տակ մի շրջաբերական է հայտնվել, որտեղ տիկին նախարարը Երեւանի փոխքաղաքապետին ու ՀՀ բոլոր մարզպետարանների գլխավոր քարտուղարներին հրահանգ է իջեցրել խուսափել դպրոցների ռազմականացումից:
Ավելի պարզ ասած՝ դա նշանակում է հրաժարվել համագործակցել ռազմական այնպիսի կազմակերպությունների հետ, ինչպիսիք են «Կոմանդոս ռազմամարզական ակումբը», «Զարկ» ծրագիրը, «Փոքր Մհերը», ՈՄԱ (Ողջ մնալու արվեստը) ռամահայրենասիրական հասարակական կազմակերպությունը եւ այլն: «Ժողովուրդ» օրաթերթը տեղեկացավ, որ Ժաննա Անդրեասյանը վերոնշյալ շրջաբերականը դեռ փոխնախարար եղած ժամանակ է ստորագրել:
Ի՞նչ է ստացվում. դպրոցներում, փաստորեն, բացի «Նախնական զինվորական պատրաստվածություն» (ՆԶՊ) առարկայից, դպրոցականները ռազմահայրենասիրական այլ ծրագրերի ու դասընթացների այլեւս չեն կարող մասնակցել:
Սա, փաստացի, կառավարող ուժի գործելաոճն ու ձեռագիրն է՝ ինչքան հեռու հայրենասիրությունից, այնքան ավելի լավ: Փաստորեն, դեռ պետք է շնորհակալ լինենք, որ տիկին նախարարուհին չի որոշել ՆԶՊ առարկան հանել առարկայացանկից. նրա նախորդներն, ի դեպ, 2018-ի քաղաքական վերադասավորումներից հետո նման մտադրություն ունեին, հանրային ճնշման ներքո, սակայն, այդ գաղափարից, փառք Աստծո, հրաժարվեցին»:
Առավել մանրամասն՝ թերթի այսօրվա համարում