Վրաստանի տասնյակ քաղաքացիներ, որոնք փորձել են Մեքսիկայով հատել ԱՄՆ սահմանը, հայտնվել են տեղի կարտելի գերության մեջ

Վրաստանի մինչև 30 քաղաքացի, որոնք փորձել են Մեքսիկայի տարածքով հասնել ԱՄՆ սահման, հայտնվել են տեղի կարտելներից մեկի գերության մեջ, հաղորդել են վրացական լրատվամիջոցները:

Ինչպես նշում է newsgeorgia.ge կայքը, հարազատները պատմել են, որ առևանգողները պահանջում են 90 հազար դոլար՝ պատանդներին ազատ արձակելու համար։

«Մթավարի» հեռուստաալիքը նշել է, որ առևանգվածներից մեկին թույլ են տվել կապվել հարազատների հետ՝ գումար խնդրելու համար։ Նա ասել է, որ իրեն նկուղում են պահում 120 այլ պատանդների հետ։ Ըստ ամենայնի, նրանց թվում կան նաև այլ երկրների քաղաքացիներ։

«Ինձ վրա ատրճանակ են պահել, իսկ մյուսը դանակի բռնակով հարվածել է… Նրանք բղավել են ինձ վրա և ծեծել»,- ասվում է հաղորդագրության մեջ։

Անհայտ կորածների հարազատները դիմել են Վրաստանի ԱԳՆ օգնությանը։

Նախարարությունից հայտնել են, որ փորձում են լրացուցիչ տեղեկություններ ստանալ: Դեսպանատան միջոցով նրանք կապ են հաստատել Մեքսիկայի ներգաղթի ծառայության հետ։ Մինչ այժմ չի հաջողվել պարզել Վրաստանի քաղաքացիների գտնվելու վայրը։

«Փիրվելի»-ի աղբյուրները պնդում են, որ գումարի կեսը՝ 45 հազար դոլար, արդեն փոխանցվել է 15 հոգու համար։ Հիմա իբրև թե շարունակվում է մնացած գումարի շուրջ սակարկությունը։

Հեռուստաալիքի զրուցակիցը, որը ծանոթ է այդ հարցին, կարծում է, որ չպետք է հույս դնել տեղական իշխանությունների օգնության վրա։ Նրա խոսքով՝ Վրաստանի քաղաքացիներին կարտելին են փոխանցել հենց Մեքսիկայի ներգաղթի ծառայության աշխատակիցները։

«Մենք կարող ենք ազատորեն ասել, որ երկու կողմերն էլ գործում են միասին։ Շատ դժվար է ասել, որ ոստիկանությունը կգա այնտեղ ու կազատի այս մարդկանց։ Դա այդպես չէ»,- ասել է «Փիրվելի»-ի անանուն զրուցակիցը։

Պուտինն առաջատար է ձայների 87,32 տոկոսով

ՌԴ նախագահական ընտրություններում քվեաթերթիկների 99,43%-ի մշակումից հետո ձայների 87,32%-ով հաղթել է երկրի գործող նախագահ Վլադիմիր Պուտինը։ Այս մասին տեղեկանում ենք ՌԴ Կենտրոնական ընտրական հանձնաժողովի հրապարակած տվյալներից։

Երկրորդ տեղում ՌԴ Կոմունիստական ​​կուսակցության թեկնածու Նիկոլայ Խարիտոնովն է, ով հավաքել է ձայների 4,32%-ը, երրորդը՝ Վլադիսլավ Դավանկովը՝ ձայների 3,79%-ով։ Չորրորդ տեղում Լեոնիդ Սլուցկին է՝ ձայների 3,19%-ով։

Ռուսաստանում մեկնարկել են եռօրյա նախագահական ընտրությունները

Ռուսաստանում մեկնարկել են նախագահի ընտրությունները։ Մարտի 15-ի առավոտյան առաջինն ընտրատեղամասերը բացվել են երկրի արևելյան շրջաններում, այնուհետև ամբողջ երկրում։

Քվեարկությունը կտևի երեք օր։ ՌԴ տարածաշրջանների մեկ երրորդում ընտրողները կարող են քվեարկել նաև էլեկտրոնային եղանակով։

«ՌԻԱ Նովոստի»-ն նշում է, որ 2024 թվականին առաջին անգամ է, որ Ռուսաստանում նախագահի ընտրություններն անցկացվում են երեք օր։ Սրանք առաջին նախագահական ընտրություններն են 2020 թվականի սահմանադրական բարեփոխումներից հետո, ըստ որոնց, երկրի ղեկավարի պաշտոնը տվյալ անձը կարող է զբաղեցնել 2 անգամ՝ 6 տարի ժամկետով։ Սահմանադրական բարեփոխումները նաև «զրոյացրին» ՌԴ նախագահ Վլադիմիր Պուտինի նախորդ պաշտոնավարման ժամկետները՝ թույլ տալով նրան կրկին առաջադրվել։

Ընտրվելու դեպքում Վլադիմիր Պուտինը կպաշտոնավարի հինգերորդ անգամ։

Վլադիմիր Պուտինի դեմ պայքարում է երեք թեկնածու՝ Ռուսաստանի լիբերալ-դեմոկրատական կուսակցության ղեկավար Լեոնիդ Սլուցկին, ՌԴ Կոմունիստական ​​​​կուսակցության պատգամավոր Նիկոլայ Խարիտոնովը, և «Նոր մարդիկ» կուսակցությունից Պետդումայի փոխխոսնակ Վլադիսլավ Դավանկովը:

Արգենտինայի նախագահը աշխատանքից ազատել է փոխնախարարին՝ կառավարության անդամների աշխատավարձերի բարձրացման պատճառով

Արգենտինայի նախագահ Խավիեր Միլեյը հայտարարել է, որ աշխատանքից ազատել է մարդկային կապիտալի փոխնախարարին  պետության ղեկավարի և կառավարության անդամների աշխատավարձերի բարձրացման հետ կապված սկանդալից հետո։

Փոխանցում է ՏԱՍՍ-ը։

«Ես աշխատանքից ազատել եմ աշխատանքի փոխնախարարին:

Այժմ նրան ծանուցում են այդ մասին: Ես նրան աշխատանքից ազատեցի մի սխալի համար, որը չպետք է արվեր»,- ասել է նա LN+ հեռուստաալիքի եթերում:

Ղազախստանում 6,1 մագնիտուդով երկրաշարժ է տեղի ունեցել

Ղազախստանում 6,1 մագնիտուդով երկրաշարժ է տեղի ունեցել, Ալմաթիում աշխատել են շչակները։ «Արմենպրես»-ի փոխանցմամբ՝ այս մասին հաղորդում է «ՌԻԱ Նովոստի» գործակալությունը։

Ղազախստանի արտակարգ իրավիճակների նախարարության տվյալներով՝ ցնցումները գրանցվել են տեղի ժամանակով ժամը 11։22-ին, էպիկենտրոնը գտնվել է Ալմաթիից 31 կմ դեպի հարավ, 10 կմ խորության վրա։

«ՌԻԱ Նովոստի»-ի թղթակիցն Ալմաթիից հաղորդում է, որ ուժգին ցնցումներ զգալուց հետո մարդիկ դուրս են եկել փողոցներ։

Հայաստանի ազգային հերոս, ԽՍՀՄ նախարարների խորհրդի նախկին նախագահ Նիկոլայ Ռիժկովի hոգեհանգստին ու հուղարկավորությանը մասնակցելու նպատակով Մոսկվա պատվիրակություն կմեկնի

Հայաստանի վարչապետ Նիկոլ Փաշինյանը որոշում է ստորագրել՝ Հայաստանի ազգային հերոս, ԽՍՀՄ նախարարների խորհրդի նախկին նախագահ Նիկոլայ Ռիժկովի մահվան կապակցությամբ սգո արարողություններին մասնակցելու նպատակով Հայաստանից Ռուսաստան պատվիրակություն գործուղելու մասին։

«Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝

1. Հայաստանի ազգային հերոս, ԽՍՀՄ նախարարների խորհրդի նախկին նախագահ Նիկոլայ Ռիժկովի մահվան կապակցությամբ սգո արարողություններին մասնակցելու նպատակով փետրվարի 29-ից մինչև մարտի 1-ը Ռուսաստանի Դաշնություն (Մոսկվա) գործուղել պատվիրակություն՝ համաձայն հավելվածի:

2. Պատվիրակության կազմում ընդգրկել նաև Ռուսաստանի Դաշնությունում Հայաստանի Հանրապետության արտակարգ և լիազոր դեսպան Վաղարշակ Հարությունյանին:

3. Պատվիրակության անդամների՝ Ռուսաստանի Դաշնություն գործուղման հետ կապված ծախսերը, համաձայն փաստացի կատարված ծախսերը հիմնավորող փաստաթղթերի, կատարել՝

1) Մհեր Գրիգորյանինը՝ Հայաստանի Հանրապետության վարչապետի աշխատակազմի միջոցների հաշվին.

2) Գնել Սանոսյանինը՝ Հայաստանի Հանրապետության տարածքային կառավարման և ենթակառուցվածքների նախարարության միջոցների հաշվին.

3) Արամ Ղազարյանինը՝ Հայաստանի Հանրապետության Լոռու մարզպետի աշխատակազմի միջոցների հաշվին.

4) Մուշեղ Մուրադյանինը՝ Հայաստանի Հանրապետության Շիրակի մարզպետի աշխատակազմի միջոցների հաշվին:

4. Ընդունել ի գիտություն, որ Վահե Ղալումյանի, Դավիթ Առուշանյանի, Շիրակ Թորոսյանի և Միքայել Թումասյանի՝ Ռուսաստանի Դաշնություն գործուղման հետ կապված ծախսերը կատարվելու են Հայաստանի Հանրապետության Ազգային ժողովի աշխատակազմի միջոցների հաշվին:

5. Հայաստանի Հանրապետության արտաքին գործերի նախարարին՝ լուծել պատվիրակության՝ Ռուսաստանի Դաշնություն գործուղման հետ կապված արարողակարգային հարցերը»,- նշված է որոշման մեջ:

Պուտին. Ռուսաստանի ռազմավարական միջուկային ուժերը գտնվում են լիարժեք պատրաստության վիճակում

Ռուսաստանի ռազմավարական միջուկային ուժերը գտնվում են լիարժեք պատրաստության վիճակում, հայտարարել է ՌԴ նախագահ Վլադիմիր Պուտինը։

«Ռազմավարական միջուկային ուժերը լիակատար պատրաստության վիճակում են՝ երաշխավորված օգտագործման համար։ Այն, ինչ մենք նախատեսել էինք սպառազինության ոլորտում, ինչի մասին ես խոսել էի 2018 թվականի իմ ուղերձում, բոլորն արվել է կամ այս աշխատանքն ավարտվում է»,- ասել է Պուտինը Դաշնային ժողովին ուղղված իր ուղերձում։

Թողեք խմելը, դահուկ քշեք. Վլադիմիր Պուտին

ՌԴ նախագահ Վլադիմիր Պուտինը հայտարարել է, որ երկրում զգալիորեն նվազել է ալկոհոլի, հատկապես թունդ ալկոհոլի օգտագործումը։

«Մենք զգալիորեն կրճատել ենք ալկոհոլի և, առաջին հերթին, թունդ ալկոհոլի օգտագործումը: Եվ դա, իհարկե, ազդում է ազգի առողջության վրա»,- ասել է Պուտինը Դաշնային ժողովին իր ուղերձում։

Պուտինը մի հին անեկդոտ է հիշել. «Թողեք խմելը, դահուկ քշեք». «Եկել է հենց պահը», — ասել է ՌԴ նախագահը։

Իրանում երկրաշարժ է տեղի ունեցել

Իրանի Հորմոզգան նահանգում 4,8 մագնիտուդով երկրաշարժ է գրանցվել: Այս մասին տեղեկացնում է Mehr գործակալությունը։

Ըստ Իրանի սեյսմոլոգիական կենտրոնի տվյալների՝ երկրաշարժը գրանցվել է տեղի ժամանակով 11: 04-ին՝ Ֆինի շրջանում: Երկրաշարժի օջախի խորությունը 21 կիլոմետրի վրա է։

Հնարավոր զոհերի և ավերածությունների մասին տեղեկություններ դեռ չեն հաղորդվում:

Օրինապաշտ միգրանտները կարող են գալ ու աշխատել, օրինազանցները կպատժվեն․ Մեդվեդև

Ռուսաստանի Դաշնության տարածքում հանցագործություն կատարած միգրանտները կենթարկվեն քրեական խիստ պատասխանատվության, ռուսական լրատվամիջոցներին տված հարցազրույցում հայտարարել է ՌԴ անվտանգության խորհրդի փոխնախագահ Դմիտրի Մեդվեդևը՝ հավելելով՝ անհրաժեշտ է վերահսկել երկիր մուտք գործող աշխատուժը, ստեղծել տվյալների միասնական բազա, որտեղ ներառված կլինեն միգրանտների կենսաչափական տվյալները։

«Այն միգրանտներն, ովքեր Ռուսաստանի տարածքում հանցագործություն կկատարեն, կենթարկվեն խիստ քրեական պատասխանատվության, դրանում կասկած չկա։ Նրանք, ովքեր տնտեսական հարաբերությունների օրինապաշտ մասնակիցներ են, կարող են գալ ու աշխատել։ Մենք հասկանում ենք, որ առանց աշխատուժի այդ աղբյուրի անհնար է ապրել, բայց ինչ անել, ա՛յ դա է ամենակարևորը։ Պետք է վերահսկել իրավիճակը։ Իսկ դա հնարավոր է իրականացնել թվային ծառայությունների միջոցով, որոնք ակտիվորեն ներդրվում են։ Այդպիսի խնդիր դրված է»,- ասել է Մեդվեդևը։