ԱՄՆ-ն 11.5 մլն դոլարի աջակցություն կցուցաբերի Հայաստանին. Սամանթա Փաուեր
ԱՄՆ-ն 11.5 մլն դոլարի աջակցություն կցուցաբերի Հայաստանին հումանիտար կարիքների համար, այս մասին Սյունիքում լրագրողներին ասաց ԱՄՆ Միջազգային զարգացման գործակալության տնօրեն Սամանթա Փաուերը։
Դա, նրա խոսքով, կուղղվի ինչպես սննդի ձեռքբերմանը, այնպես էլ՝ սոցիալական և հոգեբանական աջակցությանը։
Նա ասաց, թե Սյունիքում հանդիպել է ԼՂ-ից տեղահանված մարդկանց, որոնք տեղյակ չեն, թե որտեղ են գտնվում իրենց ընտանիքի անդամները։
«Այս աջակցությունը կօգտագործվի նաև աջակցելու այն ջանքերին, որոնք միտված կլինեն ընտանիքների միավորմանը»,- նշեց ԱՄՆ պաշտոնյան։
Փաուերը նշեց, որ կան առանց ծնողների ուղեկցությամբ Հայաստան ժամանած մեծ թվով երեխաներ, խիստ անհրաժեշտ է, որ նրանք հնարավորինս շուտ կարողանան գտնել իրենց ընտանիքներին։
Ճամբարակ քաղաքում և Ակնալիճ գյուղում ջրամատակարարումը կդադարեցվի
«Վեոլիա Ջուր» ընկերությունը տեղեկացնում է իր հաճախորդներին և սպառողներին ջրամատակարարման հետևյալ ընդհատումների մասին.
1. «Հայաստանի էլեկտրական ցանցեր» ընկերության կողմից պլանային հոսանքազրկումներով պայմանավորված՝ սեպտեմբերի 19-ին ժամը 11:00- 20:00 կդադարեցվի Արմավիրի մարզի Ակնալիճ գյուղի ջրամատակարարումը:
2. Վթարի վերացման աշխատանքներով պայմանավորված՝ ս.թ. սեպտեմբերի 19-ին ժամը 09:00-15:00 կդադարեցվի Գեղարքունիքի մարզի Ճամբարակ քաղաքի՝ Պ.Սևակի և Սարալանջի փողոցների ջրամատակարարումը:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Solo Home Furniture & More կահույք արտադրող ընկերությունը մասնակցում է Հայաստանի ԳԼԽԱՎՈՐ 22-րդ ցուցահանդեսին՝ ARMENIA EXPO 2023-ին
Solo Home Furniture & More կահույք արտադրող ընկերությունը մասնակցում է Հայաստանի ԳԼԽԱՎՈՐ 22-րդ ցուցահանդեսին՝ ARMENIA EXPO 2023-ին։
Սեպտեմբերի 15-ին, 16-ին և 17-ին Solo Home Furniture & More -ը մասնակցելու է Հայաստանի ԳԼԽԱՎՈՐ 22-րդ ցուցահանդեսին՝ ARMENIA EXPO 2023-ին։
Solo Home Furniture & More-ը ժամանակակից դիզայներական ոճով կահույք արտադրող ընկերություն է բոլոր նրանց համար, ովքեր կարևորում են գեղեցիկն ու հարմարավետը:
Հարուստ տեսականին առաջարկում է կահույք ցանկացած տարածքի համար՝ ննջարանից ու խոհանոցից մինչև գրասենյակ:
Ընտրելով Solo Home Furniture & More ընկերությունը ՝ դուք կզգաք ոճի և նրբագեղության կատարյալ համադրություն՝ համեմված արդիական լուծումներով:
Մուտքն ԱԶԱՏ է:
🗓️Սեպտեմբերի 15, 16 և 17
📍Կարեն Դեմիրճյանի անվան Մարզահամերգային համալիր
#logosexpocenter #ArmeniaEXPO2023 #expo #hamalir #solohome #furniture #yvn #armenia #yerevan
Սպիտակ քաղաքի մի շարք թաղամասերում գազամատակարարումը կդադարեցվի
«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ իրականացնելու նպատակով՝ սեպտեմբերի 18-ին ժամը 10:00-ից մինչև ժամը 14:00-ն, կդադարեցվի Լոռու մարզի Սպիտակ քաղաքի Վերին Այգեստան, Շահումյան, Խնկոյան, Ոփյան, Չարենցի, Ս.Ավետիսյան, Առափնյա փողոցների, Կենտրոն 1-ին, 2-րդ, 3-րդ թաղամասերի գազասպառողների և տարբեր նշանակության հանրային կազմակերպությունների գազամատակարարումը:
Ադրբեջանը մերժել է պայմանավորվածությունը և թույլ չի տվել Բերձորով ՀՀ տարածքից բեռներ ներմուծել
«Արցախի անվտանգության և զարգացման ճակատ» հանրային շարժումը հայտարարություն է տարածել, որում ասվում է․ «Այսօր կարող ենք արձանագրել, որ Ադրբեջանը հերթական անգամ հրաժարվել է հաստատված պայմանավորվածություններից և, ի պատասխան Ակնա-Ստեփանակերտ ճանապարհով Ռուսաստանից ռուսական Կարմիր Խաչի հումանիտար բեռի տեղափոխման հարցով Արցախի իշխանությունների համաձայնության, չի թույլատրել Բերձորի միջանցքով ՀՀ տարածքից հումանիտար բեռների տեղափոխումը:
Ադրբեջանի իշխանությունների այս պահվածքը ոչ այլ ինչ է, քան հիմնախնդրի լուծման միջազգային դերակատարների բոլոր ջանքերի լիակատար արհամարհում։
Առնվազն տարակուսելի է, որ Ռուսաստանը՝ որպես պայմանավորվածությունների կողմ և 2020 թվականի եռակողմ հայտարարության դրույթների կատարման երաշխավոր, հանդուրժում է հերթական սադրանքը Ադրբեջանի կողմից։
«Արցախի անվտանգության և զարգացման ճակատ» հանրային շարժումն առաջին անգամ չէ, որ հայտարարում է ադրբեջանական կողմի՝ պայմանագրային պարտավորությունները պահպանելու կասկածելի ունակությունների մասին և Արցախի իշխանություններին հորդորում է պնդել միջազգային երաշխիքների եւ պատժի անհրաժեշտությունը՝ իրականացնելու հնարավոր որոշումները, որոնց հնարավոր կլինի հասնել ադրբեջանական կողմի հետ երբեւէ։
Այս դժվարին ժամին մեր հայրենակիցներին կոչ ենք անում համախմբվել եւ անել հնարավորը՝ հանուն Արցախի փրկության:
Տոտալ շրջափակման, խոր հումանիտար ճգնաժամի և Ադրբեջանի կողմից գոյաբանական սպառնալիքների պայմաններում Արցախը հայկական պահելու ամենակարեւոր երաշխիքը եղել եւ մնում է Արցախի ժողովրդի՝ իր հայրենիքում ապրելու եւ այն ամեն գնով պաշտպանելու անկոտրում կամքը»։
Մաստարա և Լիճք բնակավայրերում գազամատակարարումը կդադարեցվի
«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ կատարելու նպատակով սեպտեմբերի 15-ին՝ ժամը 10:00-ից մինչև ժամը 18:00-ն, կդադարեցվի Արագածոտնի մարզի Մաստարա բնակավայրի գազասպառողների և հարակից տարբեր նշանակության հանրային կազմակերպությունների գազամատակարարումը:
Պլանային աշխատանքներ իրականացնելու նպատակով՝ սեպտեմբերի 15-ին ժամը 09:30-ից մինչև ժամը 16:30-ը, կդադարեցվի Գեղարքունիքի մարզի Լիճք բնակավայրի Կենտրոնական թաղամասի գազասպառողների և տարբեր նշանակության հանրային կազմակերպությունների գազամատակարարումը:
Աբովյան քաղաքի 2-րդ, 3-րդ միկրոշրջանների, Սարալանջ թաղամասի գազամատակարարումը կդադարեցվի
«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ իրականացնելու նպատակով՝ սեպտեմբերի 14-ին ժամը 10:00-ից մինչև ժամը 18:00-ն, կդադարեցվի Կոտայքի մարզի Աբովյան քաղաքի 2-րդ, 3-րդ միկրոշրջանների, Սարալանջ թաղամասի գազասպառողների և տարբեր նշանակության հանրային կազմակերպությունների գազամատակարարումը:Աբովյան քաղաքի 2-րդ, 3-րդ միկրոշրջանների, Սարալանջ թաղամասի գազամատակարարումը կդադարեցվի
Հայտնի է, թե ինչ օգնություն է ռուսական կողմն անցկացրել Արցախ
ԱՀ սոցիալական զարգացման և միգրացիայի նախարարությունը տեղեկացնում է, որ այսօր՝ սեպտեմբերի 12-ին, Ասկերան քաղաքով Արցախի Հանրապետություն է մուտք գործել ռուսական Կարմիր խաչի մեկ բեռնատար մեքենա՝ բեռնավորված ռուսական արտադրության հումանիտար բեռներով:
Ստորև ներկայացվում է ապրանքատեսակների ցանկը.
1.Продуктовые наборы — 1000 наборов
В один набор входит:
-Масло подсолнечное 0.9 л — 1 шт
-Сахар песок 1 кг — 1 шт
-Мука пшеничная 2 кг — 1 шт
-Макароны рожки 500 гр — 3 шт
-Крупа гречневая 1 кг — 1 шт
-Пшено 1 кг — 1 шт
-Крупа манная 1 кг — 1 шт
-Овсяные хлопья 0,5 кг — 1 шт
-Тушенка 0,5 кг — 5 шт
Общий вес одного набора — 11,4 кг
2.Постельное белье — 270 наборов
В один набор входит:
-Комплект постельного — 1 шт.
-Подушка — 1 шт.
-Одеяло — 1 шт.
3.Гигиенические наборы — 200 наборов
В один набор входит:
-Зубные щетки- 3 шт.
-Мыло — 10 шт.
-Градусник — 1 шт.
4.Детские наборы — 192 набора
В один набор входит:
-Кисель детский — 1 шт.
-Пастилки витаминные — 3 шт.
-Зубная щетка — 1 шт.
-Пюре детское — 1 кор. (8 шт. )
-Рыбий жир детский (в капсулах) — 1 шт.
-Присыпка — 1 шт.
Հումանիտար օգնությունը տրամադրվելու է բնակչությանը, որի վերաբերյալ հավելյալ կտեղեկացվի։
Ռուսաստանի Դաշնության Կարմիր խաչի կողմից ուղարկված հումանիտար օգնությունը Ստեփանակերտում է
Ասկերանի քաղաքապետ Հայկ Շամիրյանը «Արցախպրես»-ի հետ զրույցում հայտնեց, որ «Տանկ» հուշակոթողի մոտ հավաքված մտահոգ քաղաքացիները սկզբում ընդվզել են, չեն թույլատրել ավտոմեքենայի մուտքն Արցախ, այնուհետև համաձայնության են եկել, որից հետո Ռուսաստանի Դաշնության Կարմիր խաչի բեռնատարը ոստիկանության ուղեկցությամբ հասել է մայրաքաղաք Ստեփանակերտ։
Արցախի տեղեկատվական շտաբն էլ հայտարարություն էր տարածել, որում մասնավորապես ասված է.
«Ինչպես նախապես հայտատարվել էր, Ռուսաստանի Դաշնության կառավարությունը հանդես է եկել Արցախի Հանրապետությանը հումանիտար օգնություն տրամադրելու նախաձեռնությամբ:
Այսօր՝ սեպտեմբերի 12-ին, հումանիտար բեռը ռուսական Կարմիր խաչի միջոցով և այդ կազմակերպության մեքենաներով, հանրապետության իշխանությունների թույլտվությամբ մուտք է գործել Արցախի Հանրապետություն՝ Ասկերան քաղաքով: Օգնությունը պարունակում է ռուսական արտադրության կենսական նշանակության ապրանքներ:
Մանրամասները կներկայացվեն Արցախի հանրային հեռուստատեսության եթերում»:
«Փաստ». Արտահանման արգելքի գործողության ժամկետ կսահմանվի վեց ամիսը
«Փաստ» օրաթերթը գրում է. «Հայաստանում սև մետաղների արդյունավետ հանքավայրերի (ինչպես նաև՝ մետաղական պղնձի արտադրության) բացակայության պարագայում հայկական մետաղամշակման ընկերությունները որպես հումք օգտագործում են մետաղի տեղական ջարդոնն ու թափոնը։ Էկոնոմիկայի նախարարությունը նշում է՝ վերջին տարիների փորձը ցույց է տվել որպես հումք ներմուծվող (ինչպես ԵԱՏՄ, այնպես էլ երրորդ երկրներից) սև և գունավոր մետաղների ջարդոնով կամ նախապատրաստվածքով աշխատելու տնտեսական աննպատակահարմարությունը՝ պայմանավորված ներմուծվող այդ ապրանքների բարձր գների, երկաթուղային տրանսպորտով դրանց ուղղակի առաքման հնարավորության բացակայության ու լոգիստիկ մեծ ծախսերի պատճառով:
Արդյունքում ներմուծված հումքով տեղական ձեռնարկությունների արտադրած վերջնական արտադրանքը բարձր ինքնարժեքի պատճառով նույնիսկ ներքին շուկայում դառնում է անմրցունակ։ Նշված գործոնները հանգեցնում են մեր երկրում գործող ձեռնարկությունների ֆինանսական վիճակի վատթարացմանը, դրանց արտադրական գործունեության խաթարմանն ու դադարեցմանը և ամբողջապես ներմուծումից կախվածությանը։ Վերջին շրջանում ԵԱՏՄ ընդհանուր շուկայում ձևավորված բարձր գների պատճառով նկատվում էր Հայաստանից սև և գունավոր մետաղների ջարդոնի արտահանման գործընթաց։ Այն չկանոնակարգելու դեպքում տեղական մետաղագործական և մետաղամշակման ոլորտի, ինչպես նաև մալուխների և լարերի արտադրության ավելի քան 30 ձեռնարկություն ստիպված կլինի օգտագործել որպես հումք բացառապես ներմուծվող մետաղի ջարդոնը կամ նախապատրաստվածքները»:
Առավել մանրամասն թերթի այսօրվա համարում