Home Միջազգային Համավարակը սկիզբ է դրել տնտեսական ճգնաժամի, որի նմանն աշխարհը չի տեսել Մեծ...

Համավարակը սկիզբ է դրել տնտեսական ճգնաժամի, որի նմանն աշխարհը չի տեսել Մեծ ճգնաժամի տարիներից ի վեր. Պուտին

Համավարակի հետևանքով համակարգային տնտեսական ճգնաժամ է սկսվել, որի նմանն աշխարհը չի իմացել Մեծ ճգնաժամի տարիներից (1929-1939 թթ.) ի վեր: ТАСС գործակալության փոխանցմամբ՝ նման հայտարարությամբ շաբաթ հանդես է եկել ՌԴ նախագահ Վլադիմիր Պուտինը «Մեծ քսանյակի» գագաթնաժողովում:

«Խնդիրների մասշտաբը, որոնց մարդկությունը բախվել է 2020 թվականին, իսկապես աննախադեպ է: Կորոնավիրուսի համաճարակը, համաշխարհային մեկուսացումը և տնտեսական ակտիվության սառեցումը սկիզբ են դրել համակարգային տնտեսական ճգնաժամի, որը ժամանակակից աշխարհը Մեծ ճգնաժամի տարիներից ի վեր չի տեսել»,- ասել է Պուտինը:

ՌԴ ղեկավարն ընդգծել է, որ Ռուսաստանը ՀՆԱ-ի 4,5 տոկոսն ուղղել է համավարակի հետևանքների նվազեցմանը, ինչը թույլ է տվել խուսափել անդառնալի կորուստներից: