Home Հասարակություն Շվեյցարիան Հայաստանին օգնություն կտրամադրի կորոնավիրուսի դեմ պայքարի համար

Շվեյցարիան Հայաստանին օգնություն կտրամադրի կորոնավիրուսի դեմ պայքարի համար

Շվեյցարիայի կառավարությունը Հայաստանի առողջապահության նախարարությանը կհատկացնի մոտ 41 հազար դոլար կորոնավիրուսի դեմ պայքարի համար:

«Շվեյցարիայի կառավարությունը COVID-19 նոր տեսակի կորոնավիրուսի դեմ պայքարում Հայաստանի կառավարությանը որպես օգնություն կհատկացնի 40 հազար շվեյցարական ֆրանկ՝ աջակցելու համար վիրուսի կանխման եւ բուժման ջանքերին»,- նշված է Հայաստանում Շվեյցարիայի դեսպանության հայտարարության մեջ:

Հայտարարության մեջ նշվում է, որ նախարարության եւ զարգացման ու համագործակցության շվեյցարական գործակալության միջեւ ստորագրված համաձայնագրի շրջանակում ձեռք է բերվելու թոքերի արհեստական օդափոխման 2 սարք: