Home Հասարակություն Ակնոց, գլխարկ, խոշոր գոտիներ… Ի՞նչ աքսեսուարներ են նախընտրում հայ հայտնիները (ֆոտո)

Ակնոց, գլխարկ, խոշոր գոտիներ… Ի՞նչ աքսեսուարներ են նախընտրում հայ հայտնիները (ֆոտո)

Աքսեսուարները կարող են շքեղ տեսք հաղորդել անգամ ամենահասարսկ թվացող զգեստին: Աքսեսուարը կարող է ամբողջությամբ փոխել քո look-ը, այդ պատճառով էլ պետք է դրանք հնարավորինս ճիշտ համադրեք հագուստի հետ, որպեսզի ոչ թե այն ծանրացնեք, այլ դարձնեք էլ ավելի յուրահատուկ եւ ճոխ:

Բնական է՝ մեզանից յուրաքանչյուրը որոշակի աքսեսուարների հանդեպ թուլություն ունի, լինեն դրանք ակնոցներ, զարդեր, թե գոտիներ…

NEWS.am STYLE-ը վերհիշել է, թե հայ հայտնիներից ովքեր են իրենց ոճն առավել հաճախ ընդգծում աքսեսուարնորի շնորհիվ, եւ առանձնացրել նրանցից մի քանիսին ու նրանց նախընտրելի աքսեսուարները:

Երգչուհի Աստղիկ Սաֆարյանի իմիջի անբաժան մասն են կազմում  գլխարկները: Աստղիկը դրանց մի ամբողջ հավաքածու ունի, որոնք հաճախ կրում է ոչ միայն տեսահոլովակներում եւ ֆոտոշարքերում, այլեւ առօրյայում: Աստղիկն այնքան հաճախ է կրում գլխարկ, որ նրան առանց այդ աքսեսուարի պատկերացնելը, նույնիսկ, անսովոր է:

Սիրուշոն  արծաթյա զարդերի իսկական սիրահար է: Երեւի հենց այդ սերն է ուղղորդել երգչուհուն ստեղծել իր բրենդային զարդերի հավաքածուն: Ընդ որում՝ Սիրուշոն հենց հայկական ազգային զարդանախշերն է նախընտրում, որոնք ճաշակով համադրում է ամենամոդայիկ զգեստների հետ: Երգչուհին հաճախ կրում է հենց PreGomesh հավաքածուի նմուշները:

Սոֆի Մխեյանն առօրյայում դեմքին կրում է ոչ թե շպար, այլ ակնոցներ: Երգչուհին ակնոցների մեծ հավաքածու ունի՝ տարբեր գույների եւ ձեւերի: Ակնոցը դարձել է Սոֆիի ոչ միայն առօրյայի, այլեւ հաճախ՝ բեմական կերպարի մասնիկը:

Եթե նկատել եք, Նազենի Հովհաննիսյանընախընտրում է իր եթերային զգեստները համադրել հետաքրքիր գոտիների հետ: Գրեթե յուրաքանչյուր կերպար հաղորդավարուհի-դերասանուհին ամբողջացնում է խոշոր գոտու օգնությամբ:

Իսկ դերասանուհի Մարիամ Ալեքսանյանը, կարծես, ականջօղերի սիրահար է: Ընդ որում՝ դերասանուհին նախընտրում է անսովոր չափսերի եւ ձեւերի ականջօղեր, որոնք երբեմն կրում են հետաքրքիր գրառումներ:

Լուսանկարները՝ հայտնիների Facebook-ի էջերից