Ֆրանսիան ճիշտ էր, Նիկոլ Փաշինյանը սխալվեց․ Արթուր Ղազինյան
Ֆրանսիայի ԱԺ-ի՝ գրեթե միաձայն ընդունած բանաձևը և դրա նկատմամբ Ֆրանսիայի կառավարության դրական վերաբերմունքն ապացուցեցին, որ Արցախի հարցում պահանջների նշաձողի իջեցման միջազգային պահանջ ուղղակի գոյություն չունի, կարծիք է հայտնել «Մեկ Հայաստան» կուսակցության նախագահ Արթուր Ղազինյանը։
«Հաշվի առնելով Արցախի հարցով Ռուսաստանի և Ֆրանսիայի հրապարակային հայտնած դիրքորոշումները՝ կարելի է եզրակացնել, որ Արցախի հարցում պահանջի նշաձողն իջեցնելու Փաշինյանի հայտարարությունն ինքնագործունեություն էր, իսկ դրա դրդապատճառները թաքնված են Ալիևի հետ նրա ունեցած բանավոր պայմանավորվածությունների մեջ:
Արցախի ժողովրդի ինքնորոշման իրավունքն անվիճարկելի և բնական իրավունք է, որը չեն կարող չեղարկել ո՛չ Ալիևը, ո՛չ Էրդողանը, և, առավել ևս, ո՛չ Փաշինյանը:
Արցախը եղել է, կա և լինելու է հայկական . . .»,- սոցցանցի իր էջում գրել է Արթուր Ղազինյանը։