Ռուսաստանցի Ռուդիկ Մակարյանը՝ Մ-18 Եվրոպայի չեմպիոն
Ռուսաստանցի Ռուդիկ Մակարյանը նվաճեց Անթալիայում ավարտին մոտեցող շախմատի Եվրոպայի մինչեւ 18 տարեկանների առաջնության չեմպիոնի կոչումը։
Վերջին տուրում Ռուդիկ Մակարյանը սպիտակներով ոչ ոքի խաղաց ռուսաստանցի Վոլոդար Մուրզինի հետ եւ 9 հնարավորից վաստակեց 7,5 միավոր՝ միանձնյա գրավելով առաջին տեղը։ Մուրզինը 7 միավորով երկրորդն է։
Հայաստանի ներկայացուցիչ Մամիկոն Ղարիբյանը վերջին տուրում մրցում է ադրբեջանցի Խազար Բաբազադայի հետ եւ հաղթանակի դեպքում կարող է հավակնել երկրորդ կամ երրորդ տեղը։ 8 տուրից հետո Ղարիբյանն ունի 6 միավոր եւ չորրորդն է։