Ղազախստանում նախագահական ընտրություններն անցել են բաց և արդար. Տոկաև
Ղազախստանում արտահերթ նախագահական ընտրություններն անցել են արդար և բաց, պետության ղեկավարի պաշտոնը ստանձնելու արարողությունից հետո հայտարարել է Ղազախստանի ղեկավար Կասիմ-Ժոմարտ Տոկաևը:
«Ըստ դիտորդների, փորձագետների և լրագրողների`ընտրություններն անցել են արդար և բաց, հատկապես բարձր է եղել ժողովրդի ակտիվությունը. որոշ քաղաքացիներ ընտրատեղամասեր են եկել ամբողջ ընտանիքներով», - ասել է Տոկաևը։
Նա նշել է, որ սահմանադրության պահանջներին համապատասխան պետք է լինի իշխանության բոլոր թևերի արմատական նորացում։
Նոյեմբերի 20-ին Ղազախստանում տեղի ունեցան արտահերթ նախագահական ընտրություններ. հաղթեց գործող նախագահ Տոկաևը: Նրա պաշտոնավարման ժամկետը կկազմի յոթ տարի, որից հետո նա այլևս չի կարողանա ընտրվել պետության ղեկավարի պաշտոնում։