Թեհրանն Իսրայելին եւ Արեւմուտքին մեղադրել է Իրանում քաղաքացիական պատերազմ կազմակերպելու փորձի մեջ
Իսրայելը եւ Արեւմուտքի որոշ քաղաքական գործիչներ ծրագրել էին Իրանում քաղաքացիական պատերազմ կազմակերպել, որը կհանգեցներ երկրի փլուզմանը։ Հինգշաբթի այս մասին հայտարարել է Իսլամական Հանրապետության արտաքին գործերի նախարար Հոսեյն Ամիր Աբդոլլահիանը։
«Իսրայելական ռեժիմը, ինչպես նաեւ մի շարք արեւմտյան քաղաքական գործիչներ փորձել են Իրանում քաղաքացիական պատերազմ հրահրել, որը պետք է պետության փլուզմանը հանգեցներ,- Twitter-իր էջում գրել է նա,-սակայն, նրանք պետք է հասկանան, որ Իրանը Լիբիան կամ Սուդանը չէ»։
Հոկտեմբերի 3-ին Իրանի հոգեւոր առաջնորդ այաթոլլա Խամենեին նշել էր, որ կասկածներ չունի Իրանում բողոքի ցույցերի կազմակերպմանը ԱՄՆ-ի եւ Իսրայելի մասնակցության վերաբերյալ։
Իրանում բողոքի ցույցերը չեն հանդարտվում արդեն երկու ամիս՝ սեպտեմբերի 16-ից, երբ տեղի ունեցավ 22-ամյա Մահսա Ամինիի հուղարկավորությունը։ Ըստ պաշտոնական վարկածի՝ քուրդ աղիջկը ոստիկանության կողմից ձերբակալվել էր գլխաշորը սխալ կրելու պատճառով։ Հարցաքննության ժամանակ նա սրտի նոպա էր ունեցել, որից մահացել էր։ Սակայն սոցցանցերում տեղեկություններ էին տարածվել, որ Ամինիին ծեծել էին ոստիկանները։