Տարբեր տեխնոլոգիաներ կիրառելով՝ Արայիկ Հարությունյան անում է ամեն ինչ, որ իր աթոռը չսասանվի. Մետաքսե Հակոբյան
Տարբեր տեխնոլոգիաներ եւ ուժ կիրառելով՝ Արցախի նախագահ Արայիկ Հարությունյան անում է ամեն ինչ, որ իր աթոռը չսասանվի՝ գիտակցելով, որ Արցախի փրկությունը դերակատարների փոփոխությունների մեջ է: Այս մասին NEWS.am-ի հետ զրույցում ասաց ԱՀ Ազգային ժողովի «Արդարություն» խմբակցության պատգամավոր Մետաքսե Հակոբյանը։
Նրա կարծիքով՝ Արայիկ Հարությունյանի հրաժարականի մասին լուրերը բեմադրված էին:
«Միակ բանը ինչից կարող է Արայիկ Հարությունյանը վախենալ, ժողովրդի ընդվզոմն է, ինչը հասունացել էր, բավականին կրքերը եռում էին, որից հետո հերթական շոուն եղավ իշխանական թեւից լուրեր տարածվեցին, թե հրաժարական է տալիս, ինչից հետո լռություն եղավ ու նորից շոու: Այսինքն՝ դրանք ծրագրավորված խոսակցություններ էին: Արցախում, ըստ էության, քաոս չկա, այդ քաոսի տպավորությունը ստեղծում է իշխանությունը դրսի համար: Քաոս կա երկրի կառավարման մասով, երկու օր է հացի արտադրամասերը չեն աշխատում, հնարավոր է՝ երեք օր էլ չաշխատեն, այսինքն՝ ցամաք հաց էլ գոյություն չունի: Քաոս է նաեւ այն առումով, որ մենք անակնկալի եկանք, երբ տեսանք, թե ինչպես են տասնյակ երիտասարդներ անցնում Հակարիի կամրջով: Մենք տեղյակ չենք՝ ովքեր են, որեւէ պարզաբանում չկան: Մեր իշխանության գործելաոճն է, որ թիկունքից գործելը: Հարությունյանը ներսում ուզում է վախի մթնոլորտ ստեղծել, դրսում էլ ցույց տալ, որ պնդումները, թե դերակատարներ պետք է փոխվեն, իրական չեն»,- ասաց Հակոբյանը»,- նշեց Հակոբյանը: