«Մեղրու սար» և Շինուհայր-«Զանգեր» կոչվող հատվածներում, Ամասիայի և Ապարանի տարածաշրջաններում և Արթիկ-Ալագյազ ավտոճանապարհին բուք է

Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները: Բավրա-Կարմրավան, Բերդ-Ճամբարակ ավտոճանապարհները և Վարդենյաց լեռնանցքը (բուք է), Աշոցքի տարածաշրջանի (բուք է) և Արփի լճի մոտակայքի միջհամայնքային ավտոճանապարհները փակ են բոլոր տեսակի տրանսպորտային միջոցների համար։ Ալագյազ-Ծիլքար (բուք է) ավտոճանապարհը դժվարանցանելի է բեռնատարների համար, իսկ Զառ-Սևաբերդ, Ջրաբեր-Ֆանտան, Կոտայք-Հատիս և Ամասիայի տարածաշրջանի ավտոճանապարհները դժվարանցանելի են բոլոր տեսակի տրանսպորտային միջոցների համար։ «Մեղրու սար» (ձյուն) և Շինուհայր-«Զանգեր» կոչվող հատվածներում, Ամասիայի և Ապարանի տարածաշրջաններում և Արթիկ-Ալագյազ ավտոճանապարհին բուք է։ Աշոցքի տարածաշրջանում գետնաբուք է։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։

Լրահոս