«Մայր Հայաստան» դաշինքը կոչ է անում մասնակցել սեպտեմբերի 2-ի հանրահավաքին

Մեր դաշինքի համակիրներին, արժանապատիվ ու Հայաստանի, Արցախի ճակատագրով մտահոգ բոլոր հայրենակիցներին կոչ ենք անում մասնակցել սեպտեմբերի 2-ին՝ Արցախի Հանրապետության անկախության օրը, ժամը 18։00-ին հրավիրված հանրահավաքին․ բոլորս դեպի Ազատության հրապարակ: Այս մասին հայտարարել է Երեւանի ավագանու ընտրություններին մասնակցող «Մայր Հայաստան» դաշինքը։ Արցախը լքել եւ ուրացել է ՀՀ իշխանությունը, բայց ո՛չ հայ ժողովուրդը։ Միացի՛ր. եթե չլինի Արցախը, ապա չի լինի Հայաստանը, չի լինի Երեւանը: Միացի՛ր. ամբողջ աշխարհին պետք է ցույց տանք, որ Արցախը մենակ չէ եւ հայ ժողովուրդը չի պատրաստվում զիջել իր անօտարելի իրավունքները: