«Հայկյան-2023» մրցանակաբաշխությանը հատուկ մրցանակներով են պարգևատրվել հանրային կյանքում նշանակալի դերակատարում ունեցած անձինք

«Լույս» հիմնադրամի գիտաժողովների սրահում այսօր տեղի է ունեցել «Հայկյան-2023» մրցանակաբաշխությունը: Մրցանակաբաշխությանը ներկա է գտնվել ՀՀ երրորդ նախագահ Սերժ Սարգսյանը: Ավանդական դարձած՝ ամենամյա այս մրցանակաբաշխությունը նպատակ ունի բացահայտել և գնահատել այն անհատներին, կազմակերպություններին, որոնք տարվա ընթացքում տարբեր ոլորտներում նշանակալի մասնակցություն են ունեցել հանրային, հասարակական կյանքում, նպաստել հանրային արժեք ստեղծելուն, ջանքեր ներդրել մեր Հայրենիքի և ժողովրդի առջև ծառացած լրջագույն մարտահրավերների դիմագրավման ուղղությամբ: «Հայկյան» անվանակարգերը յուրատեսակ շնորհակալության և գնահատանքի արտահայտման հնարավորություն են ։ Վերջին տարիներին մրցանակաբաշխությունը կազմակերպում է «Առաջինը՝ Հայաստան» նախաձեռնությունը «Հայկյան 2023» հատուկ մրցանակներով պարգևատրվել են՝ 1. Անաչառ և ազատ լրատվություն մատուցելու համար – Անի Գևորգյանը 2. Արցախից բռնի տեղահանված մեր հայրենակիցներին մեծածավալ սոցիալական օգնություն տրամադրելու համար - «Մենք և մունք» քաղաքացիական նախաձեռնությունը 3. Հայ գերիների հայրենադարձման աշխատանքներում նշանակալի ներգրավվածության համար - Սիրանուշ Սահակյանը 4. «Հայացք» մատենաշար նախագծի համար - նախագծի ղեկավար Կարեն Բեքարյանը 5. 44-օրյա պատերազմի ընթացքում իրականացրած մասնագիտական աշխատանքի համար - Արթուր Տոնոյանը 6. Առողջապահության ոլորտում ներդրած ավանդի և ռևմատոլոգիայի զարգացման համար – Քնարիկ Գինոսյանը 7. Երիտասարդներին հասարակական ակտիվ գործընթացներում ներգրավելու համար – Կարիերայի դպրոցի հիմնադիր Աշոտ Անդրեասյանը 8. Առողջապահության ոլորտում ներդրած ավանդի համար – «ԱՄԱԴԵԱ» Իսպանայի հայ բժիկների ասոցիացիան 9. Առողջապահության ոլորտում ներդրած ավանդի համար - Գագիկ Հեբոյանը

Լրահոս