Հայաստանում գրիպի և կորոնավիրուսի ակտիվացում է նկատվում
Հայաստանում գրիպի և կորոնավիրուսի սեզոնային ակտիվացում է նկատվում, ԱԺ-ում լրագրողների հետ զրույցում ասաց Առողջապահության նախարար Անահիտ Ավանեսյանը:
Հոսպիտալացումների թվի կտրուկ աճ, սակայն, այս պահին չի գրանցվել:
«Մենք նկատում ենք, որ գարնան և աշնան ամիսներին կորոնավիրուսը, նաև գրիպը նույն վարքագիծն են դրսևորում, այս պահին սեզոնային ակտիվացում է», - ասաց նա` հորդորելով քաղաքացիներին օր առաջ պատվաստվել գրիպի դեմ:
Պատվաստանյութը, նրա խոսքով, եվրոպական արտադրության է, գործում է գրիպի 4 տեսակի շտամերի դեմ:
Այս պահին կորոնավիրուսի շրջանառվող շտամերի փոփոխություն չի նկատվում:
«Օմիկրոն շտամն է իր տարբեր ենթաշտամերով: Ախտանշանները բավականին նման են գրիպին՝ քթարտադրություն, կոկորդի ցավ, հազ, գլխացավեր, դժվար է տարբերակել՝ գրի՞պ է, թե՞ կորոնավիրուս, եթե չի արվում թեստավորում», - ասաց նախարարը: