Դաշտավան գյուղում BMW-ն բախվել է ծառին. 5 վիրավորներից 3-ը անչափահասներ են. Shamshyan.com

Հոկտեմբերի 10-ին խոշոր ավտովթար է տեղի ունեցել Արարատի մարզում:  Ժամը 13:30-ի սահմաններում  Արարատի  բնակիչ  24-ամյա  Մարտիրոս Ա.-ն  իր վարած  BMW  մակնիշի ավտոմեքենայով  Դարակերտ-Դաշտավան  գյուղամիջյան  ճանապարահին՝ Դաշտավան  գյուղի սկզբնամասում,  դեռևս  անհայտ  հանգամանքներում,  դուրս է  եկել ճանապարհի  երթևեկելի  գոտուց, հայտնվել  դաշտում՝ բախվելով   ծառին: Վթարի  հետևանքով  Մարտիրոս Ա.-ն,  նրա ուղևոր,  Արարատի  մարզի   բնակիչ  24-ամյա  Վարդան  Ա.-ն մարմնական  վնասվածքներով  տեղափոխվել  են  «Էրեբունի»  բժշկական կենտրոն,  իսկ մյուս ուղևորներ՝  Արարատի  մարզի  բնակիչներ  15-ամյա Նարեկ Գ.-ն, 16-ամյա  Միքայել Տ.-ն և  16-ամյա Հենզել Ղ.-ն  մարմնական  վնասվածքներով  տեղափոխվել  են  Երևանի  «Սուրբ Աստվածամայր» բժշկական կենտրոն: