Արզականցի տղամարդը խոհանոցային դանակով խփել է Գավառ քաղաքի 47 և 48 տարեկան երկու բնակչի. Մանրամասներ

Դեկտեմբերի 13-ի ուշ երեկոյան «Չարենցավան» բժշկական կենտրոն զանգած քաղաքացին խնդրել էր, որ Չարենցավան տանող կամրջի մոտ շտապօգնության խումբ մոտենա, դանակահարված մարդ կա: Ժամը 22.25-ին ահազանգը փոխանցվեց ոստիկանության Չարենցավանի բաժին, որտեղից էլ դեպքի վայր մեկնեց օպերատիվ խումբ: Ձեռնարկվեցին անհրաժեշտ գործողություններ, իսկ Չարենցավանի քրեական հետախույզները համագործակցեցին Սևանի գործընկերների հետ: Ձեռնարկված օպերատիվ-հետախուզական միջոցառումների արդյունքում պարզվեց, որ կենցաղային հարցերի շուրջ ծագած վիճաբանության ժամանակ Արզական գյուղի 50-ամյա մի բնակիչ իր տանը խոհանոցային դանակով խփել և մարմնական վնասվածքներ էր պատճառել Գավառ քաղաքի 47 և 48 տարեկան երկու բնակչի: Հետագա ձեռնարկած միջոցառումների շնորհիվ 50-ամյա տղամարդը հայտնաբերվեց, ձերբակալվեց և տեղափոխվեց ոստիկանության Չարենցավանի բաժին: Հայտնաբերվեց նաև հանցագործության գործիք դանակը: Կազմված փաստաթղթերը ներկայացվել են Չարենցավանի քննչական բաժին: Ձեռնարկվում են միջոցառումներ` դեպքի հանգամանքները պարզելու ուղղությամբ:

Լրահոս