Այս ամենի նպատակը մեզ փակելն է․ թե դա ոնց կարվի, որքանով կանցնի իրավաբանության սահմանները, կարևոր չէ․ Նարեկ Սամսոնյան

Նարեկ Սամսոնյանի և Վազգեն Սաղաթելյանի գործով («Իմնեմնիմիի» գործ) դատավարությունը շարունակվում է։ Դատարանում՝ նիստի ժամանակ Նարեկ Սամսոնյանը հայտարարեց՝ այս ամբողջ պրոցեսն ու հանրային մեղադրողների նպատակը մեկն է, որպեսզի իրենք անազատության մեջ լինեն։ «Ինչպես այդ ամբողջ ընթացքում էր, հանրային մեղադրողների խնդիրը մեզ փակելու հարցը լուծելն է․ թե ոնց կստացվի դա, որքանով կանցնի իրավաբանության սահմանները, էական չէ, բայց խնդիրը դա է։ Ու դա չափազանց ակնհայտ է»,- ասաց Սամսոնյանը։ Վազգեն Սաղաթելյանն էլ արձագանքեց մեղադրող կողմի այն պնդումներին, թե հնարավոր է՝ իրենց կողմից իրավախախտում արվի։ Սաղաթելյանն ընդգծեց՝ այս պնդումները և հնչեցված մտավախությունները հիմք չունեն։

Լրահոս