Գլխավոր Քաղաքականություն Պետք չէ մեկնաբանություններ անել իմ տպավորությունների մասին. պետք է գործել, աշխատել, տեսլական...

Պետք չէ մեկնաբանություններ անել իմ տպավորությունների մասին. պետք է գործել, աշխատել, տեսլական ունենալ․ Է․ Մակրոնը՝ Ն․ Փաշինյանից ստացած տպավորության մասին

Ես երբեք նման մեկնաբանություններ չեմ անում։ Այսօր Երևանի «Շառ Ազնավուր» կենտրոնում նման հայտարարություն արեց Ֆրանսիայի նախագահ Էմանուել Մակրոնը՝ պատասխանելով հարցին, թե ինչ տպավորություն ունի Հայաստանի նոր վարչապետ Նիկոլ Փաշինյանից:

Փոխարենը նա խոսեց Ֆրանկոֆոնիայի գագաթնաժողովի կարևորության մասին․ «Շատ երջանիկ եմ, որ Հայաստանում եմ այսօր Ֆրանկոֆոնիայի գագաթնաժողովի համար: Ես կարծում եմ, որ Հայաստանի համար սա շատ կարևոր իրադարձություն է, քանի որ առաջին անգամ է, որ այստեղ նման միջոցառում է անցկացվում: Առավոտյան արդեն խոսեցի դրա նշանակության մասին։ Հիմա էլ շատ երջանիկ եմ, որ Շառլ Ազնավուրի կենտրոնում էինք՝ սա հարգանքի տուրք է նրա նկատմամբ»,- նշեց Մակրոնը:

Հարցին՝ անկախ ամենից ինչից՝ ինչ տպավորություն ունեք ՀՀ նոր վարչապետ Նիկոլ Փաշինյանից, Ֆրանսիայի նախագահը, ի վերջո, պատասխանեց․

«Ես քաղաքականության մասին հետևյալ տեսակետն ունեմ՝ պետք չէ մեկնաբանություններ անել իմ տպավորությունների մասին, պետք է գործել, աշխատել, տեսլական ունենալ և գործել՝ համաձայն այդ տեսլականի»։

 

Comments
SHARE