Գլխավոր Տնտեսություն 1000 խմ բնական գազի գինը Հայաստանի համար 2018թ հունվարի 1-ից 31-ը սահմանվում...

1000 խմ բնական գազի գինը Հայաստանի համար 2018թ հունվարի 1-ից 31-ը սահմանվում է 150 ԱՄՆ դոլար

Կառավարության այսօրվա նիստում ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը ներկայացրեց «Հայաստանի Հանրապետության կառավարության և Ռուսաստանի Դաշնության կառավարության միջև Հայաստանի Հանրապետություն բնական գազի առաքման ժամանակ գների ձևավորման կարգի վերաբերյալ 2013 թվականի դեկտեմբերի 2-ի համաձայնագրում փոփոխություններ կատարելու մասին» արձանագրության կնքման առաջարկությանը համաձայնություն տալու մասին նախագիծը։

Ըստ այդմ, կառավարությունը փոփոխություններ կանի ՀՀ և ՌԴ կառավարությունների միջև «ՀայՌուսգազարդ» փակ բաժնետիրական ընկերության բաժնետոմսերի առուվաճառքի և հետագա գործունեության պայմանների մասին 2013 թվականի դեկտեմբերի 2-ի համաձայնագրում, ինչպես նաև Հայաստանի Հանրապետություն բնական գազի առաքման ժամանակ գների ձևավորման կարգի վերաբերյալ 2013 թվականի դեկտեմբերի 2-ի համաձայնագրում և գազի գինը կսահմանի 1000 խ/մ 150 դոլար՝ 2018 թվականի համար:

Comments
SHARE